Alpgnossäschaft Gorneren

Diä Alp liit a Gornerä, äs säx Kilometer langs Paralleltal zum Mäijätal. Si schpräitet si üs zwischet 1300 und 2100 Heejämeter und cha vu Gurtnällä Dorf z Füäss i güät ärä Schtund erräicht wärdä. Bewirtschaftet wird si vu dr Alpgnossäschaft Gornerä. D Alp mit ärä Flèchi vu 170 Hektarä isch dr Summert üs dr Feriäplätz fir rund 60 Chiäh und rund 30 Rinder. Äü wenn diä Chiäh underschitlich uf verschidänä Schtafflä sind, wird Milch zentral i dr güät igrichtetä Sännhittä uf em Rüäpäschtafel verarbäitet.

D Alpgnossäschaft beschäftiget drii Agschtellti. Diä machet im Summer üs 50 000 bis 60 000 Liter Milch ä mildä, vollfettä Alpchääs. Am Ändi vu dr Alpzit wird dr Chääs under dä Alpgnossä üftäilt. Ds Vermärchtä ubernimt de jedä Püür sälber.

Genossenschaft Urner Alpkäseproduzenten

Bresteneggstrasse 21, 6460 Altdorf
Telefon: +41 (0)79 343 07 28, mail@remove-this.urneralpkäse.ch

Social Media

Folg iis uf Facebook

© 2024  -  Impressum | Sitemap